RSS Feed (xml)
मृत्यु एक रहस्य
(यि हरफहरु समाजमा अर्थपूर्ण प्रभाव पर्ने केही मनिसहरुको मृत्यु पछी यस ब्लगरको हृदयमा गुज्रेको भाव सँग सम्बन्धित छन। )
हरेक जीवन सँगै मृत्यु जन्मन्छ। मृत्युले प्रयोग र अनुभवले सम्हाल्न नसकेको ज्ञानको अपवादलाई स्रिजना गरेको हुन्छ। मानव जीवनको सर्वमान्य तर कसैले स्विकार गर्न नसकेको गुरुत्वको सघन केन्द्र हो मृत्यु, जहाँ हरेक जीवन सरिता विसर्जन हुन्छ। परिवर्तनको नियमले र समयको क्षितिजले बह्रमाण्डका हरेक वस्तुलाई मात्रै होइन, जैबिक सम्बेदना, मानव मन र चेतनालाई पनि छोपेको सत्य मृत्युले हरेक पटक उजागर गर्न खोजिरहन्छ। प्रयोग, अनुभव र बुद्धिको दायरामा अटन नसक्नुको विशिष्टताले गर्दा नै, यो सधैं कव्यात्मक आकर्षण र अध्यात्मिक खोजको प्रेरणा र बिषय बनेको हुन्छ। मानविय चेतनाको अद्वितिय उचाइ चुमेको जीवनको उपसंहार मात्रै होइन, जडता, मुढता र निक्रिष्ट बेहोशिमा धकेलिएको जीवनको निछोड पनि हो भनी मृत्युले प्राकृतिक नियमको पूर्णताको सधैं उद्घोष गररहेकै हुन्छ।
No comments:
Post a Comment